Rain Rain Come Again

மப்படித்த மாலை நேரம்
விழி வழியே தோற்ற மயக்கம்
இரை தேடும் பறவைக் கூட்டம்
இரைச்சலுடன் கூடு திரும்பும்
மிதமான வாடைக் காற்று
மேனியதைத் தழுவிச் செல்லும்
நிறம் மாறும் வெள்ளை மேகம்
கணப் போதில் நீராய்  மாறும்
குடை விரித்து நடக்கும் மாந்தர்
கூச்சலிடும் சிறுவர்  கூட்டம்  
மழை உடுப்பில் புதைந்து போவார்  
வாகனத்தில் பயணம் செய்வோர்
நடை பாதைக் கடைகள் எல்லாம் 
சில நொடியியில் மறைந்து போகும்.
மழை  பொழியும் மண் குளிரும்.
மறு நாளும் மழை தொடர்ந்தால்
மாவட்ட நிர்வாகம் 
பள்ளிக்கு விடுமுறையை 
அறிவித்தால் நல்லதென்று 
ஹோம் வொர்க்கைச் செய்யாமல்
தொலைக் காட்சி செய்தி பார்க்கும்
நகரத்து சிறுவர் போல்
நம் கவலை சிறிதா என்ன ?
மாடியிலே காயவைத்த
துணியெல்லாம்
நனையும் என்று
சபிக்கின்ற மனசுக்கு
தெரிவதில்லை ஒரு போதும்
வானம் பார்த்த பூமியிலே
மழைதானே ஜீவன் என்று.
மரம் நடுவோம் மழை பெறுவோம்.
 
சொக்ஸ்