படித்ததில் பிடித்தது

சமீபத்தில் குமுதத்தில் படித்த தன்னம்ம்பிக்கை கவிதை ஒன்று மனதில் அறைந்தாற்போல் பதிந்தது கவிஞர் இளையகம்பனின் வசமாக்கு கிழக்கை என்ற தலைப்பில் வந்தது, நண்பர்கள் மற்றும் பிள்ளைகளுக்காக ....மு.செ.கு.

கலங்காதே மகனே
கண்ணீரு எதுக்கு - உன்
காலடிக்கு கீழதான்
பூமிப்பந்து கிடக்கு!

வருந்தாதே மகனே
வானம் துணை இருக்கு - அந்த
சந்திர சூரியன் உன்
சட்டைப்பையில் இருக்கு!

கடுகளவு விதையில் தான்
ஆலமரம் இருக்கு - நீ
முதுகொடிஞ்சி மூலையில்
முடங்குவது எதுக்கு !

அவமானப் பாறைகளில்
அழகுச்சிலை செதுக்கு - அட
முயற்சிதான் மகனே
மூலதனம் உனக்கு!

துணிச்சலை மனதில்வை
துயரங்கள் சிதறும் - நீ
அடிக்குமேல் அடிச்சா
ஆகாசமும் நகரும்!

கண்ணீரை ஒதுக்கி
கவலைகளை நீக்கு - விழும்
இடிகளை அடுக்கி
படிககளை ஆக்கு !

காயங்களை எல்லாம்
கவசங்களை மாற்று - நீ
வடிக்கின்ற விழிநீரை
வைரமாகிக் காட்டு !

தன்மானம் நீ குடிச்ச
தாய்ப்பாலில் உண்டு - உன்
வேர்வைக்குப் பலனாய்
வெகுமானம் உண்டு !

வறுமையைக் கண்டு நீ
வருந்தி அழக் கூடாது - அட
நெருப்பை ஒருபோதும்
கரையான்கள் அழிக்காது !

புல்கூட முளைக்கையில்
பூமியை pilakkuthadaa - சிறு
மண்புழுவும் உயிர்வாழ
மண்ணை துளைக்குதடா !

எறும்புக்கும் இலட்சியங்கள்
ஏராளம் இருக்குதடா - நீ
தொடர்ந்து போராடு
சுவாசிக்கும் வரையிலடா !

தோல்விகளை கண்டு
துவளாதே மகனே - ஓர்
எதிர்காலம் இருக்கு
எழுந்து வா மகனே !

உறுதியை வேதமாக்கு
உழைப்பை கீதமாக்க்கு - நீ
கூட்டுப்புழுவாய் கிடக்காதே
குறிக்கோளை கூர்மையாக்க்கு !

துன்பங்களைக் கடந்துவா
thoelil மாலை சிரிக்கும் - உன்னை
ஆயிரம் சிகரங்கள்
அண்ணாந்து பார்க்கும்!

போராட்டம் இல்லாமல்
ஏதடா வாழ்க்கை - உன்
வானளவு நம்பிக்கையால்
வசமாக்கு கிழக்கை !