உள்ளத்தில் தோன்றியது

நண்பர் ஒருவர்(கால்நடை மருத்துவர்தான்) புதிதாக சவூதிக்கு பணி புரிய வந்துள்ளார், அவரிடம் பேசும்போது அவர் பணி புரியும் பண்ணை மிக சிறியது என்றும், அவருக்கு சம்பளம் வாங்கும்போது மன உறுத்தல் இருப்பதாகவும் கூறினார், அதாவது அங்கு வேலையே இல்லை, மேலும் சில வசதிகள் செய்து கொடுக்க நிர்வாகத்திடம் கேட்கவே தயக்கமாக இருக்கிறது என்று கூறி புலம்பினார். சவுதியில் வேறு துறைகளில் பணி புரியும் பல நண்பர்கள் என்னிடம் எனக்கு கொடுக்கப்பட்டிருக்கும் சலுகைகள் பற்றி கொஞ்சம் பொறாமையாக பேசுவார்கள், நான் அவர்களிடம் நிர்வாகம் எனக்கு இதையெல்லாம் இலவசமாக கொடுத்தாலும் அதில் அவர்களுக்குதான் லாபம், என்று எடுத்து கூறுவதுண்டு. நியாயப்படி அல்லது சட்டப்படி பார்த்தால் நான் எட்டு மணி நேரம் மட்டும்தான் வேலை செய்ய வேண்டும், ஆனால் எனக்கு பண்ணைக்குள்ளேயே வீடு கொடுக்கப்பட்டிருப்பதால் எந்த நேரத்திலும் பணிக்கு அழைக்கப்படுகிறேன்.கிட்டத்தட்ட மூன்று ஷிப்ட் பணியை நான் மட்டுமே செய்கிறேன், அதற்கு எனக்கு எந்த விதமான over time சம்பளம் கொடுக்கப்படுவதில்லை. இரண்டு பேருக்கான சம்பளம் முதலாளிக்கு மிச்சம்.

இந்தியர்களுக்கும் மற்றவர்களுக்கும் இருக்கும் வேறுபாடுகளில் இதுவும் ஒன்று. அவரவர் பணி நேரம் முடிந்தவுடன் கம்ப்யூட்டர் ஐ அணைத்துவிட்டு கிளம்பி விடுவார்கள், நம்மவர்கள் மேலதிகாரி சென்று விட்டாரா, முதலாளி கிளம்பி விட்டாரா, நாம் சென்றால் அவர் என்ன நினைப்பரோ, நாம் சரியாக   வேலை   செய்யவில்லை என்று நினைத்து விடுவாரோ என்ற கவலையிலேயே ஓய்வெடுக்கும் நேரத்தை கூட சரியாக உபயோகிப்பதில்லை. Philippinos அதிக சம்பளம் கொடுத்தாலும் அவர்களின் ஓய்வு நேரத்தில் பணி புரிவதை விரும்புவதில்லை.

சரி சரி நான் பாட்டுக்கு கம்ப்யூட்டர்-ல டைப் பண்ணிக்கிட்டு இருக்கேன், முதலாளி வந்தாலும்  வருவார்....(இன்னைக்கு வெள்ளி, வார விடுமுறையை கழிக்க பண்ணைக்குதான் ஒவ்வொரு வாரமும்  வருவார்)

கரையான்.