ராமன் ஆண்டாலும்... ராவணன் ஆண்டாலும்...

நவீன ராமர்கள் எல்லாம்

ராவணன்களோடு ஒப்பந்தத்தில்..

லட்சுமணர்கள் தனி ஆவர்த்தனம்

செய்கிற ஆசையில்

கோமாளிகளாய்.

சஞ்சீவி மலையைத் தூக்க வேண்டிய கரங்களில்

ஜால்ரா பெட்டிகளோடு அனுமான்..

இந்திரஜித்தும் விபீஷ்ணரும்  

யார் பக்கமென்றே இன்னும் குழப்பத்தில்..

கட்டப் பஞ்சாயத்தில்

காலம் தள்ளுகிற கும்ப கர்ணன்..

வானரங்கள் எல்லாம்
சேடிப் பெண்களோடு

டாஸ்மாக் கூடாரங்களில்..

வஷிச்டரும் விச்வமித்திரரும் 

கூனியின் சீடர்களாய் 

கைகேயிக்கு தூபம் போடும் 

திடீர் திருப்பங்கள் ..

என..

சுவரசிமாய் அரசியல் ராமாயணம் 

ராமன்  ஆண்டாலும்

ராவணன் ஆண்டாலும்

இலவசங்கள் 

கிடைப்பதென்னவோ 

நிச்சயமாகிப் போனதால் 

கட்டியிருக்கிற துணிகளை எல்லாம் 

உருவி எடுத்து  

கைக்குட்டைகள்  மட்டும் 

ப்ரீ ஆகக் கிடைக்கும்  

தேர்தல் கனவில் 

அண்ணன் குப்பைத் தொட்டி அருகே 

சயனத்தில் 

ஜாக்கிரதை 

கால்சட்டை கூட 

காணாமல் போய் விடப் போகிறது  

இன்னும் கொஞ்ச நாட்களில்

சொக்ஸ்