எதிர்பாராதவற்றை எதிர்பார்ப்பது(expect the unexpected)-தான் விவசாயம்.

எதிர்பாராததை எதிர்பார்த்து நாற்காலியின் நுனியில் உட்காருவதுபோல் இருப்பதுதான் விவசாயம். நான் ஏற்கனவே என் நிலத்தில் தென்னை விவசாயம் செய்ய சொட்டு நீர் பாசனம் செய்ய அலைந்த கதையை சொல்லி இருந்தேன், எல்லாம் முடிந்து விட்டது நல்ல படியாக எல்லாம் நடந்து ஐந்து வருடத்தில் குலை குலையை காய்த்து தொங்கும் என எதிர்பார்த்திருந்தால் தென்னை மட்டை கூட மிஞ்சாத எதிர்பார்க்காதது தான் மிஞ்சும்.  வேலி அமைத்தாயிற்று, தென்னைக்கு குழி  பழித்து, உரமிட்டு, சொட்டு நீர் பாசன வசதி செய்து, தென்னைக்கன்றும் பதித்தாகி விட்டது, இன்னும் என்ன வளர்ந்து இளநீரோ தேங்காயோ பறிக்க வேண்டியதுதான் என சந்தோஷமாக இருந்தால், திடீரென மோட்டார் பழுதடைந்து விட்டது, பழுது நீக்க செய்த அனைத்து முயற்சிகளும் தோல்வி என சேதி வருகிறது(unexpected). புதிய  மொடோர்தான் பொறுத்தியாக வேண்டும், அதுவும் உடனே செய்யப்பட வேண்டும், கால தாமதமானால் இருக்கும் தென்னங்கன்றுகள் தண்ணீர் இல்லாமல் காய்ந்து விடும், சரி மொத்தம் எவ்வளவு செலவாகும் என்றால் புதிய மோட்டார் வாங்கி பொறுத்த அறுபது ஆயிரம் ஆகும் என்கிறார்கள், நாம்தான் வெளிநாட்டில் ரியாலாக வாங்குகின்றோமே பொருத்தி விட வேண்டியதுதான், வேறு வழி. நம்மூரில் இருக்கும் ஒரு சிறு அல்லது குறு விவசாயியால் இந்த செலவை  உடனே செய்ய முடியுமா, மனைவியின் தாலி முதல் வீட்டில்  உள்ள தட்டு முட்டு சாமான் வரை அனைத்தையும் அடகு வைத்தால்தான் முடியும்...இவை எல்லாம் மீட்க அடுத்த ஆண்டில் நிலத்தை  அடகு வைத்தாக வேண்டும்...இந்த தொடர்ச்சியான விளையாட்டில் எல்லாம் போக கடைசியில் மிஞ்சப்போவது விவசாயின் கோவணம் மட்டும்தான்.... 

 It is a vicious cycle...என்பார்களே இதுதானோ...

கரையான்.