நம்ம extension subject ல பிட் அடிக்காம பாஸ் செஞ்சவுங்கள விரல் விட்டு எண்ணிடலாம், பரீட்ச்சை நேரத்தில் அந்துவனும் பு.பாபுவும் தெள்ள தெளிவாக பிட் எழுதி எத்தன பேருக்கு வேணும் என்பதை விசாரித்து xerox போட்டு வைத்து விடுவார்கள். அடுத்த நாள் பரீட்சைக்கு முன்னர் அனைவருக்கும் அதை விநியோகித்து விடுவார்கள். அப்படி ஒரு பரிட்சையில் எல்லோரும் அருமையாக பிட் அடித்து A and B கிரேடு வாங்கி விட்டார்கள், ஆனால் v.p. அன்பழகனை மட்டும் காப்பி அடித்ததை ஆசிரியர் கண்டு பிடித்து விட்டார், எப்படி என்றால், பிட் தயார் செய்து எழுதும்போது அந்துவன் பிட்டில் இடம் பற்றாததால், ஒரு பதிலின் பாதியை இன்னொரு பதிலின் இரண்டாவது பாதியாகவும், இரண்டாவது பதிலின் இரண்டாவது பாதியை முதல் பதிலின் இரண்டாவது பாதியாகவும் எழுதி இருந்தான், இதை எங்களுக்கெல்லாம் முதலிலேயே சொல்லி இருந்ததால் நாங்கள் எல்லாம் சரியாக எழுதிவிட்டோம், இது அன்பழகனுக்கு தெரியாது, அவன் அந்த பிட்டில் இருந்ததை அப்படியே காப்பி அடித்து எழுதி மாட்டிக்கொண்டான்.