நாயுரான் கையெழுத்து எல்லோருக்கும் அறிமுகமான ஒண்ணுதான், anatomy exam ல அவன் எழுதுன பதில்களை டாக்டர் சேஷாத்ரி அவருடைய பூதக்கண்ணாடி வழியாக anterior,posterior,lateral,medial,dorso-ventral,dorso-medial, கிழக்கு,மேற்கு,தெற்கு,வடக்கு என எத்தனை திசைகள்,வழிகள் உண்டோ அவ்வளவு திசைகள் மற்றும் வழிகளிலும் படிக்க முயற்சி செய்து தோல்வி அடைந்தார், பின்னர் அவனையே அழைத்து நீ பதில்களை படித்துக்காட்டு, சரியான பதில்கள் எழுதி இருந்தால் நான் தகுந்தவாறு மதிப்பெண் அளிக்கிறேன் என கூறினார். நாயுரானும் அவனால் முடிந்த வரை முயற்சி செய்தான், அந்த கொடுமையை அவனாலும் படிக்க முடிய வில்லை, கடைசியில் அசடு வழிய நின்றான், கடைசியில் இருவரும் ஒரு ஒப்பந்தத்துக்கு வந்து அவனுக்கு "C" grade கொடுத்து அனுப்பினார், அவனுக்கு "F" கொடுத்தால் திரும்பவும் வந்து அதே போல் எழுதி தலைவலி கொடுப்பானே என்று பயந்து அவனை ஒழிந்தால் போதும் என்று பாஸ் செய்து வைத்தார். நான் அவனிடம் உனக்குத்தான் பதில் தெரியுமே படித்துக்காட்ட வேண்டியதுதானே என்று கேட்டேன்,"எலே நானே ஊருலருந்து பஸ்ல வந்த கதைய இங்க்லீசுல எழுதுனேன், அந்த மானக்கேட படிச்சுக்காட்ட சொல்றியா" என என்னை முறைத்தான்.
கரையான்.