செல் போன்

சமீபத்தில் ஏற்பட்ட தொழில்நுட்ப முன்னேற்றங்களில் ஒன்றானான அலை

 பேசி நம்மிடையே உண்டாக்கியுள்ள மன நோய்களும் அதனால்

 உண்டான பிரச்னைகளும் பலப்பல. சமீபத்தில் ஆவடியில் இருவர் செல் போன் பேசிக்கொண்டே தொடர்வண்டி 

பாதையை (railway track) கடக்கும்போது ரயிலில் அடிபட்டு இறந்ததாக செய்திகளில் 

வந்தது. அவர்களுக்கு அப்படி என்ன அவசரம் அலைபேசியில்

 பேசிக்கொண்டே ரயில் வருவது கூட தெரியாமல் செல்ல. எமனிடமிருந்து அழைப்பு வந்திருக்குமோ என்னவோ. நம் நண்பர்  பாபு அவரை சந்திக்க என்னை அழைத்திருந்தார், நம் கல்லூரி காண்டீனில் சந்தித்தோம்,  அந்த சந்திப்பு ஒரு மணிநேரம் நீடித்தது, அதில் ஐம்பத்து ஐந்து நிமிடம் அவர் அலை பேசியில் மற்றவர்களுடன் பேசிக்கொண்டு

 இருந்தார், ஒரு ஐந்து நிமிடம் அளவுதான் என்னிடம் பேசினார். கடைசியாக நான் அவரிடம் நான் வேண்டுமென்றால் உன்னை அலை பேசியில் அழைக்கவா எதிரெதிரே நாம் இருவரும் உட்கார்ந்து கொண்டு அலை பேசியில் இருவரும் ் பேசி கொண்டு  இருக்கலாமா என்றேன். 

இன்னொரு நண்பர் என்னை சந்திக்க அழைத்தார், நான் அவரிடம் ஒரு 

கண்டிஷன் போட்டேன் 

அதாவது அவர்  அலை பேசியை எங்கள் சந்திப்பு முடியுவரை ஆப் செய்து வைக்க வேண்டும் என்று ஆனால் அவர் சைலென்ட் -ல் வைப்பதாக கூறினார், நானும் ஒப்புக்கொண்டேன், நாங்கள் இருவரும் பேசிக்கொண்டிருக்கும்போது அவருடைய போனை

 நிமிடத்திற்கு ஒருமுறை எட்டி எட்டி பார்த்து கொண்டே இருந்தார்,எதாவது அழைப்பு வருகிறதா என்று , ஐயா நீங்க ஜெனரல் mode -லேயே வைத்துக்கொள்ளுங்கள் என்று வேண்டிக்கொண்டேன், 

அவர் டென்ஷன் ஆகி என்னையும் டென்ஷன் செய்து கொண்டு இருந்தார்.

சென்னையில் பல முறை நான் வண்டி ஓட்டும்போது பார்த்திருக்கிறேன், 

நடைபாதையில் செல்வோர், இரு சக்கர வாகன ஓட்டிகள் என அனைவரும்

 அலைபேசியில் FM station- ல் பாட்டு கேட்டு கொண்டே செல்வதால் நாம் என்னதான் ஒலிப்பான் அடித்தாலும் கண்டு 

கொள்ளாமல் செல்வார்கள்.  இப்போது மனவியலார்கள் ஒரு நாளில் குறைந்தது ஒரு  மணி நேரமாவது அலைபேசியை நிறுத்தி  வைக்குமாறு  அறிவுறுத்துகிறார்கள். நான் தூங்கும்போது அலை பேசி அடித்தால் நான் அடித்து பிடித்து கொண்டு எழுந்திருப்பதாக என் மனைவி கூறுகிறாள், இதுவும் மன வியாதிதான். 

எனக்கு வரும்  அழைப்புகள் எங்கள் பன்னையிளிருந்தும் நண்பர்களிடமிருந்தும் மட்டுமே 

அப்படி இருந்தும் என் நிலை இப்படி என்றால்

 சொக்கன் நிலைமை சொல்லவே வேண்டாம்,

நான் இதற்கு முன்னர் ஒரு மருத்துவ மனையில் வேலை செய்யும்போது இரவு 

பகல் என்று எப்போதும் என் போன் அழைத்து கொண்டே இருக்கும் நானும் 

சளைக்காமல் அழைப்புகளுக்கு பதில் சொல்வேன். அந்த வேலையை விட்டு 

அடுத்த வேலைக்காக காத்திருக்கும் பொது  சில வேளைகளில் அலை பேசி

 கையில் இல்லாத  நேரங்களிலும் கூட அழைப்பு சத்தம்  காதில் கேட்கும்.

கரையான்.