கவலை கவலை கவலை

வயது ஆக ஆக வயோதிகம் வருதோ இல்லையோ கவலைகளின் அளவு கூடுவது இயல்பு அதாவது வங்கி கணக்கில் காசு அதிகம் சேர சேர நம்முடைய  உடலுக்கான மருத்துவ செலவு அதிகமாவது போல். என்னடா சம்பந்தமே இல்லாம பிதற்று ரானேன்னு நீங்கள் நினைக்கலாம்.
 பண்ணையில இந்த வருஷம் அருமையான உற்பத்தி, குறைந்த mortality நல்ல  conception என்று சந்தோஷப்பட எண்ணிக்கொண்டிருக்கும்போது பண்ணையின் top stallion திடீரென்று மண்டையபோட்டு என்னோட மன உறுதி, திறமை மேல இருக்கிற நம்பிக்கை எல்லாத்தையும்  பஞ்சராக்கி விட்டது. ஒரு stud farm ல stallion  சாகும்போது மொத்த breeding programme தலை கீழாகி விடும்.  அதன் மதிப்பு கிட்டத்தட்ட ஒரு மில்லியன்  டாலர்.   இதைப்போன்ற சம்பவங்கள் நிகழும்போது அதை முதலாளிக்கிட்ட சொல்லுவது போன்ற  தர்ம சங்கடமான நிலை அனுபவித்து பார்க்கும்போதுதான் அந்த கஷ்டம் தெரியும். அது stallion ஒ mare ஒ அதன் விலை நம்முடைய சங்கடத்தை அதிகப்படுத்தும். முதலாளியை பார்க்கவே கொஞ்சம் கஷ்டமாகவும் உறுத்தலாகவும் இருக்கும்.ஆனால்  வேறு வழியே இல்லை சொல்லித்தான் ஆகணும்.  பலமுறை இந்த வலியை அனுபவித்திருந்தாலும் ஒவ்வொரு முறையும் இந்த நிலையில் இருக்கும்போதும் முதல்முறை இந்த சங்கடம் ஏற்படுவது போல்தான் உணர்கின்றேன்.(ஓவரா தண்ணிய போட்டு மட்டை ஆகி விட்டு அடுத்த நாள் மனைவியை face செய்ய சங்கட  படும் கணவன் மாதிரி என்றுகூட சொல்லலாம்).  இந்த நிலையிலும் ஒன்றை நினைத்து என் மனதை தேற்றி கொள்வேன், அது என்னன்னா இந்த செய்திய கேட்கும் முதலாளியின் நிலை, மில்லியன் மில்லியனா காச போட்டு வாங்கி அந்த குதிரைய பத்திரமா பாத்துக்க  எனக்கு சம்பளத்தையும் அள்ளி கொடுத்து கடைசியில குதிர செத்து போச்சுன்னு நான் சொல்லும்போது அவருக்கு எப்படி இருக்கும்?

கரையான்.