சொக்கனுக்கு பதில்

என் மனைவி மற்றும் குழந்தைகள் சவுதியை விட்டு சென்னையிலேயே செட்டில் ஆக சென்று இருபது நாட்கள் ஓடி விட்டது. இப்போது நான் தனிமையில்.

 உன்னுடைய குடும்ப மருத்துவர் சொல்வது போல் தாயக  விஜயத்தின் போது குழந்தை மற்றும் மனைவியுடன் மட்டும் செலவிட்டு விட முடியாது. நாம் தாயகத்தில் இல்லாத நாட்களில் நடந்த காது குத்தல், கல்யாணம், கருமாதி என்று பல நிகழ்வுகள், உடல் நலம் குன்றி தேறிய சொந்தங்கள், தண்ணியடிக்க காத்திருக்கும் நண்பர்கள்(get to gether) இப்படி பலரையும் திருப்தி படுத்தி  மூச்சு விட்டு நிமிர்வதற்குள் விடுமுறை காலம் முடிந்து விடும், திரும்பி செல்லும்போது மனைவியின் ஏக்க பெரு மூச்சும் குழந்தைகளின் ஏமாற்ற பார்வையும் சொந்தங்களின் வசவுகளும் சுமந்து விமான பயணத்தில் சத்தமின்றி மனதுக்குள் அழத்தான் முடியும். 

நம்மில் பலர் உடல் ஆரோக்கியத்தை கொஞ்சமும் மனதில் கொள்ளாமல் உழைத்து ஓடாய் தேய்ந்து தங்கள் நிறுவனத்தை கட்டி காப்பதாய் நினைத்து கொண்டு இருக்கிறார்கள், அந்த நிறுவனமே நம் ஆரோக்கியம் குறைந்து கொஞ்சம் ஓய்வெடுத்தால் வீட்டுக்கு அனுப்பி விடும் என்பதை மறந்து விடக்கூடாது. 

(இந்த தலைப்பில் தொடர்ந்து எழுதுவேன்....)

கரையான்.