என்னுடைய இன்டர்நெட் கனக்ஷன் கடந்த சில நாட்களாக பழுதடைந்து விட்டதால் என்னால் எழுத முடியாததற்கு வருத்தம் தெரிவித்து கொண்டு தொடருவோம்.
நாயூறான் எதற்கு தகராறு செய்கிறோம் என்பதே தெரியாமல் சில சமயங்களில் தகராறு செய்து விட்டு வம்பில் மாட்டிக்கொள்வான். மெஸ்ஸில் ஒரு முறை அவனுக்கு கொடுக்கப்பட்ட உணவு சரியாக இல்லை என்று மெஸ் செகரெட்டரி (அவரும் நம் வகுப்பு தோழர்தான்) இடம் சென்று புகார் செய்தான், அவர் என்ன மன நிலையில் இருந்தாரோ என்னவோ, சாப்பாடு அப்படிதான் இருக்கும் இஷ்டம் இருந்தால் சாப்பிடு இல்லை என்றால் போ என கூற, வாக்குவாதம் முற்றி, நாயூரன் அவரை அடிக்க முயல அவர் தப்பிக்கும் முயற்சியில் கீழே விழுந்து கையில் hair line fracture ஆகி விட்டது, உடனே அவர் கையில் பெரிய கட்டு போட்டுக்கொண்டு வந்து அப்போதைய கல்லூரி முதல்வர் டாக்டர் ரிச்சர்டு மாசிலா மணி இடம் புகார் செய்து விட்டார், நாயூரன் கண்டிப்பாக தண்டிக்கப்படுவார் என்பது நிச்சயமாகி விட்டது(அனேகமாக சில நாட்கள் suspend செய்யப்படுவார் என்ற நிலை). நாயூரன் அன்று இரவே அவன் சொந்த ஊர் MLA வை சென்னையில் உள்ள சட்டமன்ற உறுப்பினர் விடுதியில் சென்று சந்தித்து நடந்தவற்றை எடுத்து கூறி நடவடிக்கை எடுக்காமல் செய்ய வேண்டி கொண்டார் அவர் உடனே அப்போதைய தி.மு.க அமைச்சரிடம் கூறி அவரை விட்டே தொலைபேசி மூலம் கல்லூரி முதல்வரிடம் பேச சொல்லி விட்டார். பிறகு கண் துடைப்பாக ஒரு கமிட்டி அமைக்கப்பட்டு விசாரணை முடிக்கப்பட்டது. அது நடந்து சில நாட்களில் டாக்டர் ரிச்சர்டு மாசிலாமணி நம் பல்கலைகழகத்தின் துணை வேந்தராக நியமிக்கப்பட்டார், அவருக்கு மாணவர்களின் சார்பில் முதல் வாழ்த்து சொன்னது நம் நண்பர் நாயுராந்தான். அவருக்கு மாலை அணிவித்து வாழ்த்து சொல்லும்போது அவர் அவனிடம்" தம்பி நீ போயி பாத்த MLA வையும் எனக்கு தெரியும், மந்திரியையும் எனக்கு தெரியும், இனியாவது, இந்த மாதிரி ரவுடி தனம் செய்யாமல் ஒழுங்காக படிச்சு முடிக்கிற வழியை பாரு" என்று கூறினார்.இந்த அனைத்து பிரச்சனைகளிலும் அதிகம் பாதிக்கப்பட்டது யார் என்றால் இந்த விஷயத்தில் சம்பந்தமே இல்லாத Dr.Paulraj (நம் co-ordinator department -ல் இருந்த ஒரு Associate Professor), அவரை இந்த பிரச்சினையை விசாரிக்க கல்லூரி முதல்வர் நியமித்திருந்தார், அவர் விசாரணைக்கு அழைக்கும் ஒவ்வொரு முறையும், நாயூறான் கண்டு கொள்ளாமல் இருக்க ஏன் விசாரணையை முடிக்கவில்லை என்று அவருக்கு கல்லூரி முதல்வர் memo கொடுத்து விட்டார், ஓய்வு பெரும் நேரத்தில் எனக்கு மெமோ வாங்கி கொடுத்து விட்டாயே என்று அவர் ஒரு பக்கம் அவனிடம் புலம்பி கொண்டு இருந்தார்.
கரையான்.