புதுசா கல்யாணமானவுங்க பொண்டாட்டிய பாத்து(சுமாரா இருந்தா கூட) ஐஸ்வர்யா ராய் சுஸ்மிதா சென்னு, அப்படியெல்லாம் புகழுவாங்க, கல்யாணமான ரெண்டாவது நாளே பொண்டாட்டிய பாத்து பேய் இன்னு சொன்னது என்னோட கண்கண்ட தெய்வம் ஆகத்தான் இருக்கும். கல்யாணமான புதுசுல கோவிலுக்கு போனோம். சாமியெல்லாம் கும்பிட்டு முடிச்சதும், எங்களோட வந்த என் பெரியம்மா, கோவில்ல கொஞ்ச நேரம் உட்கார்ந்து போகனும்னு சொன்னாங்க. இவரு அவங்ககிட்ட "அதான் சாமியெல்லாம் கும்பிட்டாச்சே போக வேண்டியது தானே" என்று கேட்டாரு. அவுங்க "நாம கோயிலில் இருந்து உடனே போனால் இங்க சுத்திக்கிட்டு இருக்கிற பேய்கள் நம்ம பின்னாலேயே வந்துடும்றது ஐதீகம் அதனால் இங்க உட்கார்ந்து இருந்து போனால் அது திரும்ப போய்டும் நம்ம பின்னால் வராது" என்றார். கொஞ்ச நேரம் கழிச்சு வீட்டுக்கு கிளம்பி நடக்க ஆரம்பித்தோம், இவரு விடுவிடு வென்று எனக்கு பத்தடி முன்னாள் நடந்து சென்று திரும்பி பார்த்து எங்க பெரியம்மாவிடம் "பேய் வராதுன்னு சொன்னீங்க பின்னாலேயே வருதேன்னு" என்னை காட்டி சொல்றாரு.

திருமதி கரையான்.