கூடங்குளம் அணுமின் நிலையம்

தமிழகத்தில் இன்று மிகப்பெரிய பிரச்சினையாக உருவெடுத்து இருக்கும் கூடங்குளம் அணுமின் பிரச்னை சில பல அரசியல் காரணங்களால் வேறு உருவெடுத்திருப்பது வருத்தமளிப்பதாக உள்ளது.  மத சார்பற்ற அரசாங்கம் என்று கூறிக்கொள்ளும் அரசுகள் தங்களுக்கு லாபம் உண்டென்றால் மத உணர்வுகளை கிளப்ப தயங்காது என்பதற்கு இந்த பிரச்சனை ஒரு சிறந்த உதாரணம்.

இந்த போராட்டங்கள் வலுப்பெற கிருத்துவ பிஷப்புகள் வெளி நாடுகளில் பணம் பெற்றுக்கொண்டு 

நாட்டின் முன்னேற்றத்திற்கு தடை ஏற்படுத்துவதாக ஒரு விஷமத்தனமான 

பிரச்சாரத்தை நடுவண் அரசே முன் நின்று நடத்துவது ஒரு கேவலமான அரசியல். கிருத்துவ பிஷப்புகள் என்ன வெளி நாட்டிலிருந்தா வந்தார்கள், அவர்களும் இந்திய குடிமக்கள்தானே, அவர்களுடைய 

குழந்தைகளும் சந்ததியினரும் இந்தியாவில்தானே வாழ்கிறார்கள், அவர்கள் எதிர்த்தால்

என்ன தவறு.  ஏற்கனவே அன்னா ஹசாரே  அவர்களின் போராட்டத்திற்கு மத சாயம் பூசி பிளவை உண்டாக்க முயற்சித்தது மத்திய அரசு அதே கொள்கையை பின்பற்றி இப்போது கூடங்குளம் அணுமின் நிலைய எதிர்ப்போரிடையில் பிளவை ஏற்படுத்த ஒரு கேவலமான உத்தியை கையாண்டு வருகிறது. இவ்வளவு நாள் இல்லாமல் திட்டம் முடியும் நிலையில் ஏன் இந்த எதிர்ப்பு என எல்லோருக்கும் சந்தேகம் எழலாம்,

புகுஷிமா அணு உலையில் ஏற்பட்ட விபத்திற்கு பின்னர்தான் அணு உலைகளால் ஏற்படக்கூடிய அழிவின் தாக்கம் உலகிற்கு தெரிந்தது. தொழில் நுட்பத்தில் உலகின் முதல் நிலை நாடான ஜப்பான் நாடே இயற்கை

சக்தியின் முன் ஒன்றும் செய்ய இயலாதபோது நாம் சிறந்த தொழில் நுட்பத்தில் உருவாக்கி விபத்தே ஏற்படாதவாறு உண்டாக்கி உள்ளதாக மார்தட்டி 

கொள்வது வீண் ஜம்பமே ஒழிய ஏதுமில்லை. இதில் அரசு வீண் கெளரவம் பார்க்காமல் முடிவெடுப்பதே சிறந்ததாகும்...

கரையான்.